नेपाल केन्द्रीय पर्यटन सहकारी संघको अध्यक्षमा अध्यक्ष रामशरण शर्मा घिमिरे चयन भएका छन् । संघको साधारणसभाले प्राकृतिक पर्यटन सहकारी संस्था गोटीखेल ललितपुरका अध्यक्ष घिमिरेको अध्यक्षतामा १५ सदस्यीय नयाँ सञ्चालक समिति चयन गरेको हो ।
संघको उपाध्यक्षमा शिव कट्टेल, महासचिवमा देवराज पराजुली , कोषाध्यक्षमा रणबहादुर खड्का, सचिवमा प्रेमभक्त महर्जन रहेका छन् । त्यसैगरी सञ्चालक समिति सदस्यमा लक्ष्मण यादव, जवाहरलाल यादव, प्रमेश्वर यादव, हरिशरण गिरी, सुकुमाया लामा, रामकृष्ण भण्डारी, मञ्जली शाक्य बज्राचार्य, तेज बहादुर खड्का, नरबहादुर महतो र भाग्यराम महर्जन रहेका छन् ।
संघको लेखा सुपरिवेक्षण समितिको संयोजकमा तेजबहादुर बोहोरा र सदस्यद्वय गिता मिश्र र कृष्णबहादुर तिलिजा पुन चयन भएका छन् ।
राष्ट्रिय सहकारी महासंघका संस्थापक अध्यक्ष दीपकप्रकाश बाँस्कोटा, वर्तमान अध्यक्ष मीनराज कंडेल, राष्ट्रिय सहकारी बैंकका अध्यक्ष केबी उप्रेती लगायतको आतिथ्यतामा सम्पन्न भएको थियो ।
लामो समयदेखि संघको साधारण सभा हुननसकिरहेको अवस्थामा सम्पन्न सभा र नयाँ नेतृत्व चयनले सबैमा आशा जगाएकोले नयाँ भिजन र मिसनका साथ अघि बढ्ने नवनिर्वाचित अध्यक्ष घिमिरेले बताए । २०७१ सालमा नै संघ गठन भएतापनि ७२ सालको महाभूकम्प र त्यसपछिको कोरोना महामारीका कारण संघले क्रियाकलाप सुचारु गर्न सकेको थिएन । उनले भने ‘पर्यटनको प्रचुर सम्भावना भएको मुलुकमा सहकारीमार्फत पर्यटन प्रवर्द्धन गर्न ढिलाई भइसक्यो भन्ने निष्कर्षका साथ अघि बढेका हौं ।’
