पोखरा अन्तर्राष्ट्रिय विमानस्थलमा आज पहिलो अन्तर्राष्ट्रिय व्यावसायिक विमान अवतरण भएको छ । चीनको छेन्दुबाट १३० यात्रु बोकेर सिचुवान एयरलाइन्सको न्यारोबडी ए ३१९ जहाज बिहान ९ बजेर ६ मिनेटमा पोखरा अन्तर्राष्ट्रिय विमानस्थलमा ओर्लिएको नागरिक उड्डयन प्राधिकरणले जनाएको छ।
उडानमा नेपाल चाइना ड्रागन बोट रेस फेस्टिभलमा सहभागी हुने खेलाडीसहितका र चीन भ्रमणबाट फर्किएका राष्ट्रिय सभाका अध्यक्ष गणेशप्रसाद तिमिल्सिना सहितको नेपाली प्रतिनिधिमण्डल रहेको थियो ।
१ जनवरी २०२३ बाट संचालनमा आएको पोखरा विमानस्थलमा पहिलोपटक अन्तर्राष्ट्रिय जहाज अवतरण भएको हो । विमानस्थल उद्घाटनको दिन हिमालयन एयरलाइन्सले परीक्षण उडान गरेको थियो ।
पोखरा विमानस्थल अन्तर्राष्ट्रय उडान सुचारू हुन नसकेपछि चीन सरकारको अग्रसरतामा केहि चिनीय एयरलाइन्सहरूले उडानका लागि अध्ययन गरिरहेका छन् ।
