भक्तपुर जिल्लामा रहेका वित्तीय कारोकार गरिरहेका कतिपय सहकारी संस्थाको वित्तीय अवस्था राम्रो रहेको देखिएको छ । सदस्यको विश्वास जितेका र समुदाय केन्द्रीत भएर कारोवार गर्दै आएका सहकारी संस्थाहरुको वित्तीय अवस्था राम्रो रहेको हो । सहकारी विभागले जारी गरेको निर्देशन अनुसार ती संस्थाहरुले प्रकाशित गरेको वित्तीय विवरणले त्यसको पुष्टि गर्छ । ती संस्थाहरुले प्रकाशित गरेको वित्तीय विवरण अनुसार १४ देखि ३४ प्रतिशतसम्म तरलता रकम रहेको पाईएको छ । सदस्यहरुको विश्वास बढ्दै जाँदा कारोबारमा समेत बृद्धि भएको र तरलता रकम पनि बढेर गएको सहकारीकर्मीले बताएका छन् । सहकारीप्रति आम मानिसको विश्वास घटिरहेका बेला भक्तपुरका राम्रा सहकारीमा भने कारोबारसँगै समग्र वित्तीय सुचांक सकारात्मक देखिएको छ ।
बालकुमारी सहकारीमा २६ प्रतिशत तरलता
बालकुमारी बचत तथा ऋण सहकारी संस्थामा २६.३१ प्रतिशत तरलता पुगेको छ । संस्थाका अनुसार ४१ करोड ५६ लाख ७८ हजार तरलता रकम रहेको छ । संस्थाले प्रकाशित गरेको बैशाख मसान्तको विवरण अनुसार १३ करोड ५३ लाख ४६ हजार शेयर पुँजी, ४ करोड ८२ लाख ७८ हजार जगेडा कोष र १ अर्ब ९० करोड ६८ लाख कूल सम्पत्तिपुगेको छ । त्यसैगरी संस्थाले १ अर्ब ५८ करोड बचत संकलन गरी १ अर्ब ३४ करोड ५५ लाख ऋण लगानी गरेको छ । ५ हजार ५०५ जना सदस्य मध्ये ६३४ जना सदस्यले ऋण लिएका छन् । विभिन्न कोषमा ४४ लाख ९४ हजार रकम रहेको संस्थाको कुल संस्थागत पुँजी ४ करोड ८९ लाख ४१ हजार रहेको छ ।
चमेली कल्याणकारी सहकारीमा २३ प्रतिशत तरलता
भक्तपुरको विरुवामा रहेको चमेली कल्याणकारी बचत तथा ऋण सहकारी संस्थामा २३.४१ प्रतिशत अर्थात १३ करोड ६३ लाख ४४ हजार तरलता रकम रहेको छ । संस्थाले प्रकाशित गरेको वित्तीय विवरण अनुसार बैशाखसम्म ५ करोड ८० लाख ९२ हजार शेयर पुँजी, ५ करोड ७५ लाख ५४ हजार जगेडा कोष, ५ करोड ९१ लाख ५८ हजार कूल संस्थागत पुँजी र ४ करोड १३ लाख १८ हजार अन्य विभिन्न कोषमा रहेको छ । त्यसैगरी ५८ करोड १९ लाख ९१ हजार कुल बचत, ५८ करोड ५७ लाख ५८ हजार ऋण लगानी र ७७ करोड २१ लाख ३७ हजारको कुल सम्पत्ति पुगेको छ । संस्थामा ४ हजार ८३३ सदस्य आवद्ध रहेका छन् । जस मध्ये १ हजार २२८ सदस्यले ऋण लिएर विभिन्न पेशा तथा व्यवसाय गर्दै आएका छन् । संस्थामा १ हजार २२८ बाल सदस्य रहेका छन् । संस्थाले बचतमा ७ देखि १२ प्रतिशत र ऋणमा १२ देखि १६ प्रतिशत ब्याजदर निर्धारण गरेको छ ।
पारिजात सहकारीमा १४ प्रतिशत तरलता
पारिजात बचत तथा ऋण सहकारी संस्थामा १४. २७ प्रतिशत तरलता रहेको छ । संस्थाले प्रकाशित गरेको वित्तीय विवरण अनुसार ९ करोड २९ लाख १८ हजार रुपैया बैशाख मसान्तमा तरलतामा रहेको छ । सस्ंथाको शेयर पुँजी ११ करोड २४ लाख ५५ हजार , जगेडा कोष ५ करोड ८४ लाख २७ हजार र विभिन्न कोषहरुमा २ करोड ७३ लाख ४९ हजार रहेको छ । ६ करोड ४८ लाख संस्थागत पुँजी रहेको संस्थामा ६५ करोड १० लाख ४६ हजार बचत संकलन, ७७ करोड ९७ लाख ५५ हजार ऋण लगानी र ९४ करोड १ लाख ४३ हजार कुल सम्पत्ति रहेको संस्थाले प्रकाशित गरेको विवरणमा उल्लेख छ । संस्थाा २ हजार ६४९ जना सदस्य आवद्ध रहेका छन् जसमध्ये ४ सय ८३ जनाले ऋण लिएको प्रतिवेदनमा जनाइएको छ ।
शंखधर साकोसमा ३७ प्रतिशत माथि तरलता
शंखधर बचत तथा ऋण सहकारी संस्थाले प्रकाशित गरेको बैशाखसम्मको वित्तीय विवरण अनुसार ३७.३७ प्रतिशत तरलता रहेको छ । उक्त संस्थामा अधिक तरलता रकम अर्थात १५ करोड ७६ लाख २९ हजार रहेको छ । संस्थाको शेयर पुँजी ४ करोड ५७ लाख ३५ हजार, जगेडा कोष २ करोड ५९ लाख र कुल सम्पत्ति ५३ करोड ७४ लाख ७६ हजार पुगेको छ । त्यसैगरी संस्थामा ४२ करोड १८ लाख २८ हजार कुल बचत, ऋण लगानी ३१ करोड ८४ लाख ५१ हजार र संस्थागत पुँजी २ करोड ६४ लाख ४३ हजार रहेको छ । सहकारीमा ३ हजार १३९ जना सदस्य आवद्ध रहेका छन् । त्यसमध्ये ४ सय ७५ जना सदस्यले संस्थाबाट ऋण लिएको प्रकाशित प्रतिवेदनमा जनाइएको छ ।
घरपरिवार सहकारीमा २२ प्रतिशत माथि
घरपरिवार बचत तथा ऋण सहकारीमा गत महिनाको तुलनामा बैशाखमा ७ प्रतिशतले तरलतामा वृद्धि भएको छ । चैत्रमा १५.२१ प्रतिशत रहेको तरलता बैशाखमा वृद्धि भएर २२.६८ प्रतिशत पुगेको संस्थाले प्रकाशित गरेको वित्तीय विवरणमा उल्लेख छ । संस्थाको शेयर पुँजी १ करोड ८० लाख २० हजार, जगेडा कोष ६७ लाख २० हजार र बचत संकलन ७ करोड १० लाख ३४ हजार रहेको छ । त्यसैगरी ऋण लगानी ११ करोड २५ लाख २४ हजार रहेको संस्थाको कुल सम्पत्ति १४ करोड ७४ लाख ८३ हजार पुगेको छ । संंस्थामा १ हजार ७०३ सदस्य आवद्ध रहेका छन् । त्यस मध्ये ३ सय २४ जना सदस्यले ऋण लिएर विभिन्न पेशा तथा व्यवसाय गर्दै आएका छन् । सहकारीमा संस्थागत पुँजी ७५ लाख र विभिन्न कोषहरुमा ३५ लाख ९३ हजार रहेको छ ।
शुभकामना साकोसमा २४ प्रतिशत माथि
शुभकामना बचत तथा ऋण सहकारी संस्थामा २४.८६ प्रतिशत तरलता रकम रहेको छ । सहकारी विभागको निर्देशन अनुसार संस्थाले प्रकाशित गरेको बैशाख महिनाको वित्तीय विवरण अनुसार २२ करोड ५६ लाख ६३ हजार तरलता रकम रहेको छ । त्यस अवधिमा संस्थाको शेयर पुँजी १० करोड ६८ लाख ९८ हजार,बचत संकलन ९० करोड ७६ लाख ६१ हजार, जगेडा कोष १२ करोड ८१ लाख ४८ हजार र संस्थागत पुँजी १३ करोड ४ लाख रहेको छ । संस्थाको अन्य कोषहरुमा ८१ लाख १४ हजार, कुल सम्पत्ति १ अर्ब २५ करोड १८ लाख र ऋण लगानी ९३ करोड ४५ लाख २४ हजार रहेको छ । संस्थामा ९ हजार २८५ सदस्य रहेका छन् । संस्थाका अनुसार ६ सय ५४ जना सदस्यले ऋण लिएका छन् ।
सामुहिक साकोसमा १६.९८ प्रतिशत तरलता
सामुहिक बचत तथा ऋण सहकारी संस्थामा ८ करोड ३३ लाख ४६ हजार अर्थात १६.९८ प्रतिशत तरलता रहेको छ । संस्थाले प्रकाशित गरेको बैशाखमसान्तको वित्तीय विवरण अनुसार कुल सम्पत्ति ६६ करोड ४१ लाख, बचत संकलन ४९ करोड ८ लाख ७९ हजार, शेयरपुँजी, ६ करोड ७२ लाख ९२ हजार र ऋण लगानी ५३ करोड ८१ लाख ४४ हजार पुगेको छ । त्यस अवधिमा संस्थाको जगेडा कोषमा ४ करोड २२ लाख ५७ हजार, अन्य कोषहरुमा १ करोड ७२ लाख ६४ हजार र संस्थागत पुँजी ४ करोड २६ लाख ४५ हजार पुगेको छ । संस्थामा ६ हजार ८२५ सदस्य रहेका छन् । संस्थाबाट ऋण लिनेको संख्या ७१५ रहेको छ ।
