पूर्ब निर्धारित कार्यसूचि अनुसार आज राष्ट्रपति निर्बाचनका लागि संसद भवन नयाँ बानेश्वरकाे ल्होत्से कक्षमा सङ्घीय सांसद र प्रदेशसभा सदस्यका लागि बेग्लाबेग्लै मतदान केन्द्र कायम गरिएको छ ।
आज बिहान १० देखि दिउँसो ३ बजेसम्म हुने मतदानकाे सम्पूर्ण तयारी पूरा भएको सहायक निर्वाचन अधिकृत अमृताकुमारी शर्माले जानकारी दिएकी हुन् ।
संविधानसभाबाट बर्तमान संविधान जारी भएपछि तेस्रो कार्यकालका लागि संसदीय अभ्यासमा का नेपाली कांग्रेसका रामचन्द्र पौडेल र नेकपा (एमाले) का सुवासचन्द्र नेम्वाङ राष्ट्रपतिका उम्मेद्वार प्रतिस्पर्धामा छन् ।
बर्तमान नेपालकाे संबिधानमा नेपालमा एक राष्ट्रपति रहने र राष्ट्रपतिले नेपालको राष्ट्रिय एकताको प्रवद्र्धन गर्ने उल्लेख छ । संविधानको पालना र संरक्षण गर्नु राष्ट्रपतिको प्रमुख कर्तव्य हुनेछ ।
विसं २०६२-६३ को आन्दोलनको उपलब्धिका रुपमा मुलुकमा गणतन्त्र स्थापना भएसँगै राष्ट्रपति प्रणालीको अभ्यास भएको हो । राष्ट्रपतिको निर्वाचन सङ्घीय संसद् (प्रतिनिधिसभा र राष्ट्रियसभा) र प्रदेशसभाका सदस्य मतदाता रहेको निर्वाचकमण्डलबाट हुने ब्यबस्था छ ।
याे राष्ट्रपति निर्वाचनमा सङ्घीय संसद्तर्फ तीन सय ३२ र प्रदेशसभा सदस्य पाँच सय ५० गरी कूल आठ सय ८२ मतदाता कायम छन् । सङ्घीय सांसदको मतभार ७९ र प्रदेशसभा सदस्यको मतभार ४८ रहेकाे छ ।
निर्बािचत भए पछि याे राष्ट्रपतिको पदावधि निर्वाचित घाेषित भएको मितिले पाँच वर्ष हुने र दुई पटक राष्ट्रपति निर्वाचित भइसकेको व्यक्ति भने पुनः निर्वाचनमा उम्मेदवार हुन नसक्ने ब्यबस्था पनि संविधानमा उल्लेख छ ।
पूर्वसभामुख पौडेल नौ दलीय गठबन्धन तथा संविधानसभाका पूर्वअध्यक्ष नेम्वाङ एमालेका तर्फबाट उम्मेदवार बनेका छन् ।
संबिधानले राष्ट्रपतिले नेपालको राष्ट्रिय एकताको प्रवर्ध्दन गर्नेछ भनेकाे छ । त्यसैगरी संबिधानकाे धारा ६१ (४) – संविधानको पालन र संरक्षण गर्नु राष्ट्रपतिको प्रमुख कर्तव्य हुनेछ भनेकाे छ ।
