एम्स बचत तथा ऋण सहकारी संस्थाले छैठौं साधारणसभा सम्पन्न गरेको छ ।
सभाले आगामी ४ वर्षे कार्यकालका लागि नयाँ सञ्चालक समिति निर्वाचित गरेको छ । नयाँ समितिको अध्यक्षमा पुनः निरोजप्रसाद ढुंगाना चयन भएका छन् । त्यसैगरी उपाध्यक्षमा सुकदेव रिमाल, सचिवमा दिनेश बिष्ट, कोषध्यक्षमा गोविन्द कुमार सिंघानिया, सदस्यहरुमा दीपा अधिकारी, कृष्णदेवी महर्जन र राजेश सापकोटा चयन भएका हुन् ।
त्यसैगरी संस्थाको लेखा सुपरिवेक्षण समितिको संयोजकमा सञ्जिव सुवेदी तथा सदस्यहरुमा सन्दिप पोखरेल र सम्बर बहादुर राई चयन भएको संस्थाले जनाएको छ ।
संस्थाका अध्यक्ष निरोजप्रसाद ढुंगानाको सभापतित्वमा सम्पन्न सभाले आर्थिक वर्ष २०७८।७९ को वार्षिक प्रतिवेदन, आर्थिक प्रतिवेदन तथा लेखा प्रतिवेदन पारित गरेको छ । संस्थाले गत असार मसान्तसम्ममा शेयरपुँजी ५ करोड १० लाख, बचत संकलन १७ करोड गरेकाे छ भने २१ करोड ८३ लाख कर्जा लगानी गरेको छ ।
