जनउत्थान बचत तथा ऋण सहकारी संस्थाले १७औं स्थापना दिवस मनाएको छ । रुपन्देहीको तिलोत्तमा रहेको संस्थाले स्थापना दिवसको अवसरमा १३१ जना ज्येष्ठ सदस्यहरुलाई सम्मान गर्नुका साथै ५ जना गरिब तथा जेहेन्दार विद्यार्थीलाई छात्रवृत्ति प्रदान गरेको छ । त्यसैगरी ३ जना बाख्रापालक सदस्यहरुलाई निब्र्याजी ऋण प्रदान गरेको छ ।
संस्थामा २८ हजार ५९२ शेयर सदस्य र ३ अर्ब ११ करोडको कुल पुँजी रहेको छ । संस्थाको जगेडा कोषमा २४ करोड रकम पुगेको छ । संस्थाले १० वटा केन्द्रमार्फत आफ्ना सदस्यहरुलाई सेवा प्रदान गर्दै आएको छ ।
संस्थाकी अध्यक्ष ज्ञानु पौड्यालले सहकारी मुल्य मान्यता र सिद्धान्तमा आधारित भएर संस्था अगाडि बढेको बताउँदै सदस्यहरूको उत्थानमा आफूहरू निरन्तर लागिपरेको जनाइन्।
