शुभप्रभात बचत तथा ऋण सहकारी संस्था लिमिटेडको १४ औँ वार्षिक साधारण सभा संस्थाका अध्यक्ष विकास काजी श्रेष्ठको सभापतित्व र बाह्रबिसे नगरपालिकाको नगर प्रमुख बालकृष्ण बस्नेतको प्रमुख आतिथ्यतामा सम्पन्न भएको छ ।
सभामा कोषाध्यक्ष विकास पौडलले आर्थिक वर्ष २०७८।०७९ को वित्तीय प्रतिवेदन प्रस्तुत गर्दै असार मसान्त सम्म संस्थाको शेयर पूँजी ३ करोड ८८ लाख, कुल बचत रु ४८ करोड १० लाख, सदस्यहरुमा ऋण लगानी ३७ करोड ६७ लाख रहेको जानकारी दिए ।
संस्थागत पूँजी रु. ३ करोड ९ लाख रहेको संस्थाको कुल सम्पत्ति रु. ५८ करोड ४९ लाख र संचालन मुनाफा रु. १ करोड ३० लाख रहेको उनले जानकारी दिए ।
संस्थाका सचिव दिपकविक्रम थापाले प्रगति प्रतिवेदन तथा आ.ब. २०७९।८० को नीति तथा कार्यक्रम प्रस्तुत गरेका थिए भने लेखा सुपरिवेक्षण समितिका संयोजक भिमसेन भण्डारीले लेखा समितिको प्रतिवेदन सभामा प्रस्तुत गरेका थिए ।
सभाले सदस्यहरुलाई १३.४० प्रतिशतका दरले शेयर लाभांश र संरक्षित पूँजी फिर्ता कोषमा रहेको रकम रु. २४ लाख ३८ हजार ३१६ रुपैया नियमित बचत तथा ऋणको कारोबार गर्ने सदस्यहरुलाई वितरण गर्ने निर्णय गरेकोछ ।
साधारण सभामा उपस्थित अतिथिहरु, सञ्चालक समिति, लेखा समिति, अन्य उपसमितिहरु, संस्थाको अग्रज ब्यक्तित्वहरु, सल्लाहकारहरु र सदस्यहरुलाई हार्दिक धन्यवाद ज्ञापन गर्दै अध्यक्ष विकास काजी श्रेष्ठले ‘सन्तुष्ट सदस्य, उत्कृष्ट सहकारी’ बनाउने लक्ष्यका साथ सहकारीको मूल्य, मान्यता र सिद्धान्तलाई अंगिकार गर्दै सदस्यहरुको जीवनस्तरमा परिवर्तन ल्याउने कार्यक्रम सञ्चालन गर्ने प्रतिवद्धता ब्यक्त गरेका थिए । केतु बोर्डिङ्ग स्कुल बाह्रविसेमा आयोजित सभामा सह–सचिव नवराज थापाले उपस्थितहरूको स्वागत गरेका थिए ।
