ललितपुर जिल्ला बचत तथा ऋण सहकारी संघको २८ औं साधारण सभाबाट अध्यक्षमा रामहरि बजगाई विजयी भएका छन् । यस अघि समेत अध्यक्ष रहेका बजगाई पुनः निर्वाचित भएका हुन् ।
उनका निटकतम प्रतिद्वन्दी नरेन्द्र महर्जनले १३३ मत पाउँदा बजगाइले २२५ मत प्राप्त गरी विजयी भएका हुन् । संघको वरिष्ठ उपाध्यक्षमा करुणारत्न बज्राचार्य विजयी भएका छन् । सचिवमा भने दुवै प्यानलमा नरहेका श्यामकृष्ण महर्जन चुनिएका छन् ।
संघको निर्वाचनमा नेकपा एमाले, माओवादी केन्द्र र नेकपा (एकीकृत समाजवादी) निकट सहकारीकर्मीहरुको प्यानल र नेपाली कांग्रेस निकट सहकारीकर्मीहरु प्यानल बनेको थियो । संघको निर्वाचनमा जम्मा मत ३६८ मध्ये ३६३ मत खसेको थियो ।
