ललितपुरको गोदावरी नगरपालिका थेचोमा रहेको फ्रेण्ड्स सेभिङ एण्ड क्रेडिट कोअपरेटिभले निःशुल्क स्वास्थ्य शिविरको आयोजना गरेको छ ।
सरस्वती माध्यमिक विद्यालयको प्राङ्गणमा आयोजित शिविरमा बीएण्डबी अस्पतालको सहकार्य रहेको थियो । संस्थाले चौंथोपटक आयोजना गरेको स्वास्थ्य शिविरमा विशेषज्ञ चिकित्सकहरुले निःशुल्क स्वास्थ्य जाँच तथा परामर्श सेवा दिएका थिए । शिविरमा जनरल मेडिसिन, स्त्रीरोग तथा प्रसूति, बालरोग, छाला, नाककान तथा घाँटी, सर्जरी ता मूत्ररोग, मुटुरोग, दन्तरोग, हाडजोर्नी, मधुमेह तथा थाइराइड र कलेजो रोगसम्बन्धी जाँच गरिएको थियो ।
शिविरमा आवश्यकताअनुसार इसीजी परिक्षण र औषधी निःशुल्क उपलब्ध गराइनुका साथै स्वास्थ्य परिक्षणका क्रममा एक्स रे तथा भिडियो एक्स रे गर्न आवश्यक देखिएकाहरुलाई अस्पतालले ३ महिनासम्म ५० प्रतिशत छुट दिने भएको छ । शिविरबाट ६७६ जनाले सेवा लिएको संस्थाले जनाएको छ । संस्थाका अध्यक्ष सुरेन्द्र महर्जनको अध्यक्षता सम्पन्न कार्यक्रममा स्वास्थ्य शिविर कोअर्डिनेटरमा मिनु सिंह र फार्मेसी कोअर्डिनेटरमा विजय खड्का रहेका थिए ।
