चन्द्रागिरि बचत तथा ऋण सहकारी संस्थाले कक्षा ११ र १२ मा अध्ययनरत विद्यार्थीहरुका निम्ति छात्रवृत्ति आव्हान गरेको छ । अधिकतम २० हजार रुपैया राशि रहेको छात्रवृत्रिमा आवेदन दिन संस्थाले १५ दिनको समय दिएको छ ।
चन्द्रागिरि नगरपालिकाभित्रका विद्यालय वा क्याम्पसमा कक्षा ११ र १२ मा अध्ययन गर्ने विद्यार्थीले मात्र आवेदन दिन पाइने संस्थाले जनाएको छ । आवेदकले आफु अध्ययनरत विद्यायल वा क्याम्पसबाट आफु बसोबास गरिरहेको स्थानीय तहबाट आर्थिक रुपले विपन्न र जेहेन्दार रहेको व्यहोरा खुलेको सिफासिसपत्र संलग्न गर्नुपर्नेछ ।
हालका लागि कक्षा ११ र १२ का लागि केहि सिटमा छात्रवृत्ति आव्हान गरिएकोमा आगामी वर्ष देखि स्नातक तह र स्नातकोत्तर तहका लागि समेत छात्रवृत्ति कार्यक्रम शुरु गरिने संस्थाका प्रमुख कार्यकारी अधिकृत कृष्ण कुमार श्रेष्ठले जानकारी दिए ।
