विज्ञापन बोर्डले सहकारीसम्बन्धी सूचना सच्याइएको जनाएको छ । बर्गीकृत पत्रपत्रिकालाई छाप्न बोर्डले पठाएको सन्देश सहकारी विरोधी भएको भन्दै चौतर्फी आलोचना भएको थियो । उक्त सूचनाले सहकारीको मर्ममाथि नै चोट पुग्ने र सहकारीमा पैसा जम्मा गरे बचत डुब्ने आसय दिएको भन्दै विरोध भएको थियो ।
सञ्चार तथा सूचना प्रविधि मन्त्रालय अन्तर्गत रहेकाे विज्ञापन बाेर्डका प्रमुख प्रकाशकीय अधिकृत रामप्रसाद सापकाेटाले भदाै २ गते एक सूचना प्रकाशित गरी यस अघिकाे सन्देश सच्च्याइएकाे भन्दै त्यसै अनुरूप प्रशारण तथा प्रकाशन गर्न जनाएका छन् ।
सन्देशमा यस अघि “सहकारी लगायत वित्तीय संस्थामा रकम जम्मा गर्दैै हुनुहुन्छ” भनिएकोमा अहिले “बैंक, वित्तीय संस्था तथा सहकारीहरुमा रकम जम्मा गर्दै हुनुहुन्छ भन्ने” वाक्यांश राखिएको छ ।
सन्देशमा आफूले रकम जम्मा गर्न लागेको संस्थाको विश्वसनीयता जाँच गर्न भनिएको छ । त्यसमा भने केहि परिवर्तन गरिएको छैन । सरकारको नियमकानुनअनुसार वित्तीय संस्था वा सहकारीको विश्वसनीयता जाँ एकजना ग्राहक वा सदस्यले कसरी गर्न सक्छ ? यसको विश्वसनीयताका बारे सरकार नै जिम्मेवार हुनुपर्ने होइन र भन्ने प्रश्न उठेको छ ।
त्यसैगरी “बढी ब्याजदरको लोभमा नफसौं” र “ब्याजको लोभमा साँवा समेत नगुमाऔं” भन्ने वाक्यांश यथावत रहेको छ ।
