नेपाल राष्ट्र बैंकले बचत तथा ऋण सहकारी संस्था र गैर सरकारी संस्थाहरुको प्रभावकारी नियमन,निरिक्षण तथा सुपरिवेक्षणका लागि दोस्रो तहको नियामक निकाय स्थापना गर्न आवश्यक सहजीकरण गर्ने भएको छ ।
राष्ट्र बैंकले आ.ब २०७९।८० को मौद्रिक निति सार्वजनिक गर्दै केन्द्रिय बैंकको सुपरिवेक्षिय दायरा बाहिर रही वितीय कारोवार गर्दै आएका संस्थाहरुको नियमनका लागि दोस्रो तहको नियामक निकाय स्थापना गर्ने जनाएको हो । बचत तथा ऋण सहकारी संस्थामा विकृति बढदै गएपछी त्यसको न्यूनिकरणको लागि दोस्रो तहको नियामक स्थापना गरी नियमनलाई प्रभावकारी बनाउन अभियानको तर्फबाट आवाज उठ्दै आएको थियो ।
आर्थिक वर्ष २०७९।८० को बजेट वक्तव्यमा व्यवस्था भएबमोजिम बैंकको सुपरिवेक्षकीय दायरा बाहिर रही वित्तीय कारोबार गर्ने बचत तथा ऋण सहकारी र गैर–सरकारी संस्थाहरुको प्रभावकारी नियमन, निरीक्षण तथा सुपरिवेक्षणका लागि दोस्रो तहको नियामक निकाय स्थापना सम्बन्धमा आवश्यक सहजीकरण गरिने उलेख्य गरेको छ । बचत तथा ऋण सहकारी संस्थाहरुको नियमन, निरीक्षण तथा सुपरिवेक्षण व्यवस्थालाई प्रभावकारी बनाउन आवश्यक सहयोग पु¥याइने समेत जनाएको छ ।
