बीमा कम्पनीहरु एक आपसमा मर्ज भएर एउटा कम्पनी बने पनि कर्मचारीहरुको पद भने नघट्ने भएको छ । बीमा समितिले एक सूचना जारी गर्दै बीमा कम्पनीहरुलाई कर्मचारीको पद नघटाउन निर्देशन दिएको हो ।
‘गाभ्ने, गाभिने संस्थाका कर्मचारीहरुलाई गाभिएर कायम हुने बीमकमा निजहरुले साविकमा रहेको पद अनुसारको तह वा श्रेणी भन्दा कम नहुने गरी पदमिलान गर्न समितिले जारी गरेको सूचनामा उलेख्य छ । त्यसैगरी समितीले गाभ्ने, गाभिने संस्थाका कर्मचारीहरुको गाभिएर कायम हुने बीमकका कर्मचारीलाई कुनै मर्का नपर्ने गरी र निजहरुले साविकमा खाईपाई आएको तलब, भत्ता तथा सुविधा भन्दा नघट्ने गरी व्यवस्था गर्न भनेको छ ।
गाम्ने, गाभिने संस्थाका कर्मचारीहरुको गाभिएर कायम हुने बीमकमा कार्यरत हुन इच्छुक नरहेका व्यवस्थापकीय तथा अन्य कर्मचारीहरुको हकमा उपयुक्त सुविधा सहितको स्वेच्छिक अवकाशको योजना बनाई लागु गर्न समेत समितिले निर्देशन दिएको छ । बीमा समितिले सूचना जारी गर्दै अब कम्पनीका सञ्चालक समितिका अध्यक्ष वा लेखापरीक्षण समितिका संयोजक उक्त समितिको सदस्य हुन पाउने व्यवस्था समेत गरेको छ ।
