शुभप्रवा सेभिङ्ग एण्ड क्रेडिट को–अपरेटिभ लिमिटेड स्थापनाको १३ औं वर्षमा प्रवेश गरेको छ । संस्थाले स्थापना दिवसको अवसर पारेर नेपाल हर्ट फाउन्डेसन काठमाण्डौ शाखासँग सहकार्यमा मुटु रोगसँग सम्बन्धित स्वास्थ्य शिविर आयोजना गरेको छ । सो शिविरमा निःशुल्क औषधी वितरण गरिएको थियो भने नेपाल रेड्क्रस सोसाईटी र लाइन्स क्लबसँगको सहकार्यमा रक्तदान समेत आयोजना गरेको हो ।
२०६७ साल असार १६ गते तत्कालीन डिभिजन सहकारी कार्यालय काठमाडौंमा दर्ता भएर संचालनमा आएको शुभप्रवाले छोटो समयमा आफ्ना सुचकांकहरुमा उल्लेख्य प्रगति गर्न सफल भएको छ ।
संस्थाले आर्थिक कारोबारका अतिरित्त सामाजिक उत्तरदायित्व बहन गर्दै विभिन्न सामाजिक, साँस्कृतिक र रचनात्मक कामहरु समेत गर्दै आएको जनाएको छ ।
सदस्यहरुलाई प्रविधिमैत्री आधुनिक सेवा प्रदान गर्ने उद्देश्यले संस्थाले शुभप्रवा स्मार्ट एप मार्फत मोबाईल बैंकिङ, डेबिट कार्ड, क्यूआर कोड प्रविधिमार्फत स्क्यान गरेर भुक्तानी जस्ता सेवा प्रदान गर्दै आएको छ ।
यसैगरी संस्थाले विभिन्न रेमिट्यान्स सेवाप्रदायक कम्पनीहरुसंग सम्झौता गरेर सदस्यहरुलाई प्रभावकारी रेमिट सेवा समेत प्रदान गरेको छ । संस्थाको मुख्य कार्यालय चुच्चेपाटी र सेवा केन्द्र न्यूरोडमा रहेको छ ।
संस्थाका प्रमुख कार्यकारी निर्देशक फडिन्द्र कुमार खड्काले यस अवधिमा संस्थालाई प्रत्यक्ष वा अप्रत्यक्ष साथ र सहयोग गर्ने शेयर सदस्य, संचालक समित, लेखा समति, विभिन्न उपसमिति, कर्मचारी, नियामक निकाय, अभियानका छाता संघ लगायतलाई धन्यवाद ज्ञापन गरे । आगामी दिनमा संस्थाको कारोबारलाई थप प्रविधिमैत्री बनाउँदै सरल, सहज र सुरक्षित बनाउने प्रतिवद्धता उनले प्रकट गरे ।
सहकारी मुल्य, मान्यता र सिद्धान्तलाई आत्मसात गरी सञ्चालित उक्त संस्थाले सदस्यलाई केन्द्रमा राखेर वित्तीय एवं अन्य कारोबार गर्दै आएको छ ।
