ललितपुर जिल्ला बचत तथा ऋण सहकारी संघले गोदावरी नगरपालिकाको टौखेलमा सेवा केन्द्र सञ्चालनमा ल्याएको छ । एक कार्यक्रमकाबीच संघका अध्यक्ष रामहरि बजगाईंले उक्त सेवाकेन्द्रको उद्घाटन गरेका हुन् । गोदावरी नगरपालिकाको वडा नं ३ टौखेलमा खुलेको सेवा केन्द्रमार्फत त्यस भेगका ५० भन्दा बढि सहकारी संस्था लाभान्वित हुने उनले बताए । राष्ट्रिय सहकारी बैंक र संघका कुनै शाखा त्यस भेगमा नपुगेको र हरेक वित्तीय सेवा लिन बैंकहरुमा भर पर्नु पर्ने अवस्थालाई मध्यनजर गरेर सो सेवा केन्द्र सञ्चालनमा ल्याएको उनले बताए ।
सहकारीको संघ र बैंक मा नजोडिएका संस्थाहरुलाई वित्तीय सेवाका साथै शिक्षा तालिममार्फत सबल सक्षम र दिगो बनाउ संघले सघाउने उनको भनाई छ । संघले बचत संकलन र ऋण लगानीको लागि मात्रै सेवा केन्द्र खोलेको होइन, उनले थपे संस्थाहरुको माग र आवश्यकताका आधारमा सेवा प्रदान गर्न खोलिएको हो । आफुहरुले कसैसँग प्रतिस्पर्धाको नराखेको समेत उनले जनाए ।
संघका व्यवस्थापक सन्तोष बजगाईंले त्यस सेवा केन्द्रले बडिखेल, गोदामचौर, ठैव, ठेचो, झरुवाराशीसम्मका संस्थाहरुलाई समेटेर सेवा दिने बताए । सेवा केन्द्र खुलेपछि त्यस भेगका सहकारी संस्थाहरु उत्साहित भएको र पहिलो दिनमा नै ४ करोडको कारोबार भएको उनले जानकारी दिए । संघमा जिल्ला भरका ५२८ सदस्य संस्था आवद्ध रहेका छन् ।
ती संस्थाहरुको विकास र प्रवद्र्धनका लागि संघले अन्तरलगानी, शिक्षा तालिम र प्राविधिक सहयोग प्रदान गर्ने गरेको छ । कायृक्रममा संघका सञ्चालक समिति लेखा समिति र विभिन्न उपसमितिका साथै स्थानीय सहकारी संस्थाका प्रतिनिधिहरुको उपस्थिति रहेको थियो ।
