हसना भास्तिपुर बचत तथा ऋण सहकारी संस्थाले साताव्यापी कार्यक्रमको आयोजना गरी १३औं वार्षिकाेत्स मनाएको छ ।
संस्थाले गत जेठ ७ गतेदेखि एक सातासम्म विभिन्न कार्यक्रम आयोजना गरी स्थापना दिवस मनाएको हो । साताव्यापी कार्यक्रम अन्तर्गत पहिलो दिन हसना भास्तिपुर समुहका सदस्यहरुबीच फुटसल प्रतियोगिता भएको थियो । त्यसैगरी दोश्रो र तेश्रो दिन संस्थाका बाल बचतकर्ताहरुको बीचमा चम्चा दौड र म्युजिक चेयर प्रतियोगिता सञ्चालन गरिएको थियो । चौंथो दिन संस्थाका कर्मचारीहरुको समुहबीच हाजिरीजवाफ प्रतियोगिता, पाँचौं दिन युवा, विद्याथी र नारी सामुहिक बचतसमुहबीच अन्तक्र्रिया र छैठौं दिनमा ‘साइन्स अफ् ग्रोथ’ विषयमा अनलाइन माध्यमबाट अन्तक्र्रिया कार्यक्रम सम्पन्न गरिएको हो ।
संस्थाले आज एक औपचारिक कार्यक्रमको आयोजना गरी स्थापना दिवस सम्पन्न गरेको हो । संस्थाका अध्यक्ष नारायण कुमार महर्जनको अध्यक्षता एवं राष्ट्रिय सहकारी बैंकका अध्यक्ष के बी उप्रेतीको प्रमुख आतिथ्यतामा विभिन्न संघसंस्था तथा नवनिर्वाचित जनप्रतिधिको उपस्थितिमा कार्यक्रम आयोजना गरिएको थियो । कार्यक्रममा विभिन्न प्रतियोगिता प्रथम, द्वितीय र तृतीय हुनेहरुलाई शिल्ड, मेडल, ट्रफी र प्रमाणपत्र प्रदान गरिएको थियो । त्यसका साथै हालै सम्पन्न स्थानीय तहको निर्वाचनबाट चन्द्रागिरि नगरपालिका वडा नं १२ का नवनिर्वाचित अध्यक्ष तथा सदस्यहरुलाई कार्यक्रममा सम्मान गरिएको प्रबन्ध सञ्चालन सम्पूर्ण महर्जनले बताए ।
संस्थाले आजबाट हसना भास्तिपुर मासिक खबरको समेत विमोचन गरेको छ । आगामी दिनमा हरेक महिना हसनाको गतिविधिलाई समेटेर उक्त पत्रिका प्रकाशन गरिने भएको छ ।
संस्थाले १३ वर्षको अवधिमा करिब ८ हजार सदस्यलाई बचतऋका साथै औषधोपचार, मृत्यु राहत, सुत्केरी भत्ता, दुर्घटना बीमा जस्ता सुविधा प्रदान गर्दै आएको छ ।
संस्थाले हालसम्म ७ करोड २१ लाख, १ अर्ब २५ करोड बचत संकलन र १ अर्ब ३० करोड ऋण लगानी गरी १४५ करोडको कुल कारोबार पुर्याएको छ । संस्थाले मुख्य कार्यालय बलम्भु सहित बलम्बु हाइवे र मच्छेगाउँ टौखेलमा सदस्य सेवा केन्द्र विस्तार गरी सदस्यलाई सहज वित्तीय सेवा प्रदान गर्दै आएको छ ।
