निर्वाचन आयोगका अनुसार स्थानीय तह सदस्य निर्वाचनका लागि उम्मेदवारी दिनेको संख्या १ लाख ४७ हजार जना नाघेको छ । बैशाख ११ र १२ गतेकाे मनाेनयन तालिका अनुसार पालिका प्रमुख, उपप्रमुख, अध्यक्ष, उपाध्यक्ष, वडाध्यक्ष र वडा सदस्य पदमा गरी मंगलबार अपरान्हसम्मको तथ्यांक अनुसार १ लाख ४७ हजार २७४ जनाको उम्मेदवारी परेको आयोगले जनाएकाे हो ।
निर्वाचन आयोगका अनुसार प्रमुख पदमा ३ हजार ४३० जना, अध्यक्षमा ३ हजार ३६३, उपप्रमुखमा २ हजार ९७, उपाध्यक्षमा २ हजार ३८२ जनाको उम्मेदवारी परेको छ । यस्तै वडाध्यक्षमा ३४ हजार ३५७ जनाको उम्मेदवारी पर्दा बाँकी पदमा महिला सदस्य, दलित सदस्य र खुला सदस्यको उम्मेदवारी परेको छ ।
आयोगले विवरण संकलनको कार्य जारी रहेकोले उम्मेदवारको अन्तिम विवरण आउन बाँकी रहेकाे जनाएको छ। स्थानीय तह निर्वाचनबाट सबै पदमा गरेर कुल ३५ हजार २२१ जना निर्वाचित हुनेछन् ।
