जिल्ला सहकारी संघ ललितपुरको भोली हुने निर्वाचन सहितको ३० औं साधारण सभाको लागि ४ राजनितिक दल समर्थकका सहकारीकर्मीको संयुक्त प्यानल बनेको छ ।
नेपाली कांग्रेस, नेकपा एमाले, माओवादी केन्द्र र नेकपा एकीकृत समाजवादी दल समर्थक सहकारीकर्मीहरुको संयुक्त प्यानल बनाएका हुन । चार वटै दल समर्थक सहकारीकर्मीहरुले संयुक्त रुपमा प्यानल बनाएर चुनावी मैदानमा उत्रिएका छन् ।
संयुक्त प्यानलबाट नेपाली काग्रेस निकट रहेका केदार गोर्खाली अध्यक्षको उम्मेदवार भएका छन् । श्री विश्वश्री बहुउद्देश्यीय सहकारी संस्थाबाट प्रतिनिधित्व गर्दै गोर्खाली अध्यक्षको उम्मेदवार बनेका हुन् ।
त्यस्तै संयुक्त प्यानलबाट उपाध्यक्षमा रामशरण बस्नेत उम्मेदवार बनेका छन् । त्यसैगरि महिला उपाध्यक्षमा संयुक्त प्यानलबाट शशि खड्का उम्मेदवार बनेकि छन् । संयुक्त प्यानलबाट सचिवमा अनिल वीर बज्राचार्य र कोषाध्यक्षमा रुपेश तिमल्सिना उम्मेदवार बनेका छन् ।
प्यानलबाट महिला सदस्यमा सुस्मा भुजेल, इन्द्रकुमारी थापा, शान्त लक्ष्मी खड्की, सर्मिला सिं र सर्मिला तिमल्सिना उम्मेदवार बन्नुभएको छ । विषयगत संघ सञ्चालकमा पुरुषोतम बजगाई निर्विरोध चयन भएका छन् । त्यस्तै खुला सदस्यमा नवराज विष्ट, शम्भुप्रसाद पौडेल, रामभक्त महर्जन, किरण महर्जन, राम गोपाल महर्जन उम्मेदवार बनेका छन् । त्यस्तै लेखा समिति संयोजकमा उपेन्द्र अवाले र सदस्यहरुमा बद्रीप्रसाद सञ्जेल र महेन्द्रकुमार महर्जन उम्मेदवार बनेका छन् ।
सघंका अध्यक्ष माधब दुलाल सहमति र सहकार्यबाटै नयाँ नेतृत्व चयन गर्नु पर्नेमा जाृेड दिएका छन् । संघका थुप्रै चुनौती रहेका र काँग्रेस एक्लैले सबै गर्न नसक्ने भएकाले सयुक्त प्यानल बनाएर अगाडि बढेको बताए । ७ सय ८४ सदस्य रहेको संघमा ४ सय ३२ संस्थाबाट मात्र प्रतिनिधि आएका छन् ।
