संचित बचत तथ ऋण सहकारी संस्थाले १३औं स्थापना दिवसको अवसरमा विविध कार्यक्रमको आयोजना गरेको छ ।
दिवसको अवसरमा भक्तपुर रेडक्रस सोसाइटी को प्राविधिक सहयोगमा गरिएको खुल्ला रक्तदान कार्यक्रममा २४ जना पुरुष, र ११ जना महिला गरी ३५ जनाले रक्तदान गरेका थिए । त्यसैगरी संस्थाले निःशुल्क आँखा शिविर कार्यक्रममा पनि सञ्चालन गरेको थियो । निलिशा अप्टिकल, जगातीको सहयोगमा आयोजित शिविरमा १०५ महिला र ६० पुरुष गरी १६५ जनाले परीक्षण गराएका थिए । डाक्टर डिजेन कुमार सुजखुले आँखा जाँच गरी निःशुल्क औषधी तथा चस्माको व्यवस्था गरेका थिए ।
संस्थाका अध्यक्ष योगेन्द्र खरबुजाको सभापतित्व एवं संस्थाका सल्लाहकार विनोदशरण रायको प्रमुख आतिथ्यतामा गत २६ गते संस्थाले सदस्यबीच केक काटी औपचारिक रुपमा स्थापना दिवस मनाएका थिए ।
संस्थाका व्यवस्थापक लक्ष्मी प्रसाद बखाद्योले संस्थामा हालसम्म २,८५० शेयर सदस्य, ८०० बालसदस्य, २ करोड ५८ लाख शेयरपुँजी, ४३ करोड ८० लाख ७० हजार बचत संकलन गरी ५० करोड ९३ लाख ६५ हजार ऋण लगानी गरेको जानकारी दिए ।
संस्थाले सूर्यविनायक राममन्दिरमा आफ्नै सुविधासम्पन्न भवन निर्माण गरी सदस्यहरुलाई वित्तीय तथा अन्य सेवा प्रदान गर्दै आएको छ ।
