मधु श्रेष्ठ
साथमा डिग्री लिएर
बौद्धिक भेडा बन्दछन् ।
हरियो घाँस खानलाई
भ्या–भ्या गरी कराउँछन् ।
भेडाहरु कराउँदै गर
गोठालाले धपाउँछ ।
दायाँ वायाँ निस्कियो भने
लौरो लिई ठटाउँछ ।
चुनाव आए भेडाहरु
यताउता दौडिन्छन् ।
टिकाटाला लगाएर
फूलमाला पैरिन्छन् ।
चुनाव अघि भेडालाई
दाम्लो लगाई बाध्दिन्छन् ।
विदेशबाट ल्याएको
हरियो घाँस हाल्दिन्छन् ।
चुनाव पछि भेडाहरु
यता उता टहलिन्छन् ।
मालिकलाई भेट्न जाँदा
भेट्न नपाई रल्लिन्छन् ।
२०७८/११/२५
