निजी सवारी साधन भएका प्रयोगकर्ताहरुले अब सजिलै ब्लुबुक नवीकरण शुल्क तिर्न सक्ने भएका छन् । अनलाइन भुक्तानी सेवा प्रदायक खल्तीले आफ्ने सवारीसाधनको ब्लुबुक नवीकरण गर्न सकिने सुविधा ल्याएको हो ।
हालका लागि अहिले बागमती प्रदेशका खल्ती एप प्रयोगकर्ताहरुले मात्र यो सेवा पाउनेछन् । भविष्यमा दिनमा यो सुविधा देशभरि उपलब्ध गराउने कम्पनीले जनाएको छ।
प्रयोगकर्ताहरुले भुक्तानी गर्नु पुर्व सर्वप्रथम आफ्नो सवारीको सम्पूर्ण आवश्यक विवरणहरू अनलाइन भेहिकल रजिष्ट्रेसन सिस्टम ९भीआरएस० मा दर्ता गर्नुपर्ने हुन्छ । यो कार्य नागरिक एप या यातायात व्यवस्थापन सूचनाको वेबसाइट मार्फत गर्न सकिन्छ । यसरी गरिएको दर्ता नेपाल सरकारद्वारा मान्यता प्राप्त हुन्छ ।
एक पटक दर्ता प्रक्रिया पूरा भएपछि प्रयोगकर्ताहरूले खल्ती एप भित्र भएको गभरमेन्ट सर्विसेस मा रहेको “ब्लुबुक रिन्यु“ मा नवीकरणमा ट्याप गरी आवश्यक विवरणहरू भरेर रकम भुक्तानी गर्न सक्नेछन् ।
भुक्तानी गर्न साथ आफूले नवीकरण गरेको ब्लुबुकको बिल तुरुन्तै खल्ती एपमा प्राप्त हुनेछ भने भी आर एस द्वारा उपलव्ध गराईने बिल प्रयोगकर्ताहरुले १० मिनेटमा खल्ती एपमा नै प्राप्त गर्न सक्नेछन् । थप प्रक्रियाको लागि प्रयोगकर्ताले ३० दिन भित्र सम्बन्धित सरकारी कार्यालयमा गई प्राप्त औपचारिक बिल पेश गर्नुपर्ने हुन्छ ।
