अन्तराष्ट्रिय मुद्रा कोष (आईएमएफ) ले नेपाललाई सहुलियत व्याजदरमा साढे ४६ अर्ब रुपैयाँभन्दा बढी ऋण दिने निर्णय गरेको छ । हालै बसेको कोषको कार्यकारी वोर्डको बैठकले नेपालले माग गरे अनुसार विस्तारित कर्जा सुविधा ९ईसीएफ० अन्तरगत सो कर्जा उपलब्ध गराउने निर्णय गरेको हो ।
सरकारले केही समयअघि ४० करोड अमेरिकी डलर (प्रतिडलर ११८ रुपैयााको विनिमय दर अनुसार ४७ अर्ब २० करोड रुपैयाँ) ईसीएफ सुविधा उपलब्ध गराईदिन अनुरोध गरेको थियो । नेपाल सरकारको सो अनुरोध अनुसार आईएमएफले ३९ करोड ५९ लाख अमेरिकी डलर ९४६ अर्ब ७१ करोड रुपैयाँ० बराबरको कर्जा स्वीकृत गरेको हो ।
आईएमएफले आफ्ना सदस्य राष्ट्रहरुको लागि एसडीआर सुविधाको कोटा तय गर्ने गरेको छ । नेपालले प्राप्त गर्न लागेको सो ऋण सुविधा कोटाको १८० प्रतिशत हो ।
स्वीकृत कर्जा रकममध्ये ११० मिलियन डलर (१२ अर्ब ९८ करोड रुपैयाँ )नेपालले तत्कालै पाउने छ । यो रकम बजेट फाइनान्सिङ सुविधा अन्तरगत प्राप्त हुन लागेको हो । यो सुविधामा पाउने रकम सरकारले आवश्यक ठानेको क्षेत्रमा खर्च गर्न पाउने छ । बाँकी रहेको २८५।९ मिलियन डलर ९३३ अर्ब ७३ करोड रुपैयाँ० ३८ महिनाभित्रमा प्रयोग गर्न पाउने छ ।
