सामूहिक साकोस भक्तपुरको सहकारी अध्ययन तथा सियुडिसिसि तालिक सम्पन्न भएको छ । संस्थाको वार्षिक नीति तथा कार्यक्रम तालिका अनुसार पोखराको होटल आइसल्याण्डमा चार दिन संचालकहरुको क्षमता अभिबृद्धि तालिम (सियूडिसिसि) नेफ्स्कूनको सहजिकरणमा सम्पन्न भएको हो । तालिम समापन समारोहक कार्यक्रमका प्रमुख अतिथि जिल्ला बचत ताथ ऋण सहकारी संघ कास्कीका अध्यक्ष भेषराज बरालले सहकारी संस्था सुशासनमा चल्नुको विकल्प नभएकोमा जोद दिए । तालिममा नेफ्स्कूनका बरिष्ठ तालिम अधिकृत बल्लभ तिमल्सिना र तालिम अभिकृत उमेश कोईरालाले सहजिकरगरेका थिए । तालिमका कक्षाहरुमा वित्तीय बजारमा साकोसको छवि, संचालक समितिको काम, कर्तव्य र अधिकार, व्यवस्थापनबाट संचालक समितिको अपेक्षा र संचालक समितिबाट व्यवस्थापनको अपेक्षा जस्ता विषय बस्तुहरुमा समुह अभ्यास र प्रस्तुतिकरण गरी छलफल गरिएको थियो ।
संस्थाका शेयर सदस्यहरुको व्यक्तिगत विवरणहरु बर्षको एक चोटि अपडेट हुनुपर्ने, सदस्यको उमेर, लिंग, आय र पेशा, संस्कृति, शैक्षिक स्तर आदिका आधारमा बजार खण्डीकरण गरी सदस्यको सहभागितामा र सदस्यका आवश्यकता पुरा हुने खालको बचत तथा ऋण सेवाको विकास गर्नु पर्ने कुरामा विशेष छलफल गरिएको थियो । साथै साकोसको पल्र्सको विश्लेषण सहितको वित्तीय व्यवस्थापन गरी अघि बढ्नु पर्ने जसमा क्षमतामा आधारित ऋण लगानी तथा असुलीमा संचालकहरु र व्यवस्थापनको भूमिका, भाखा नाघेको ऋण व्यवस्थापन कसरी गर्ने भन्ने विषयमा गहण छलफल भएको संस्थाक व्यबस्थापक कबिन्द्र धौबन्जारले बताए ।
मानव संशाधन विकास, सुशासन, कानुनी उत्तरदायित्व पुरा गरी दीगो र सवल साकोस निर्माण गर्न सहकारीका संचालकहरु लाग्नु पर्नेमा समेत विशेष जोद दिइएको उनको भनाइ छ । । तालिममा संस्थाका संचालक समिति, लेखा समिति, उपसमितिहरु र कर्मचारीहरु गरी जम्मा २१ जनाको सहभागी रहेको थियो । गत २५ गते शुरु भएको उक्त कार्यक्रमको उद्घाटन सत्रको सभापतित्व संस्थाको सचिव कृष्णहरि सैंजुले गरेका थिए ।
साथै सहकारी अध्ययन अवलोकन अन्र्तगत जनकल्याण साकोस धाडिङ्ग र पोखरा रोयल साकोस पोखरा अध्ययन अवलोकन गरिएको थियो । अवलोकनका क्रममा एकअर्का विचका सिकाइ सातासात गरिएको थियो भने सकोसहरुको प्रयोगमा ल्याइएको नयाँ नयाँ प्रविधिको वारेमा विशेष चर्चा गरिएको थियो ।
