हिमालयन बैंकले सुदूरपश्चिम प्रदेशको कञ्चनपुरको जिल्लास्थित भीमदत्त नगरपालिका–६, महेन्द्रनगर, चम्मनचोकमा शाखा सञ्चालनमा ल्याएको छ ।
बैंकले उक्त शाखाबाट सम्पुर्ण ग्राहक महानुभावहरुलाई अत्याधुनिक बैंकिङ्ग सुविधाहरु उपलब्ध गराउने जनाएको छ ।
बैंकको यो शाखा कञ्चनपुर जिल्लाको पहिलो तथा सूदुर पश्चिम प्रदेशको आठौं शाखा हो ।
महेन्द्रनगरका प्रतिष्ठित उद्योगी, व्यवसायी तथा प्रतिष्ठित व्यक्तिहरुको उपस्थितिमा बैंकले यस शाखाबाट कारोबार सुरु गरेको छ । महेन्द्रनगर शाखाले सम्पूर्ण आधुनिक बैंकिङ्ग सेवाहरु सहित लकर सेवा समेत सञ्चालनमा ल्याएको शाखा प्रबन्धक बैजनाथ प्रसाद कोइरीले बताए ।
यस शाखा समेत हाल बैंकका कुल शाखा संख्या ७४, विस्तारित काउन्टर ५ पुगेको छ भने एटिएम संख्या १४८ र पीओएस टर्मिनल ५ हजारभन्दा बढी रहेका छन् ।
