अन्तर्राष्ट्रिय ज्येष्ठ नागरिक दिवस–२०८३ को अवसरमा बुडोल सामुदायिक बचत तथा ऋण सहकारी संस्थाले जेष्ठ सदस्यलाई सम्मान गरेको छ ।

संस्थाको महिला तथा सामाजिक सांस्कृतिक उपसमितिको आयोजनामा तथा कान्छीमाया तामाङ फाउण्डेशन, धुलिखेल–४ सँगको सहकार्यमा संस्थामा आबद्ध ७५ वर्ष उमेर पूरा गरेका २३८ जना ज्येष्ठ नागरिक सदस्यहरूलाई सम्मान गरिएको हो ।

दुई दशकभन्दा लामो समयदेखि निरन्तरता पाउँदै आएको यस कार्यक्रम अन्तर्गत प्रत्येक सदस्यहरूलाई यस वर्ष १ थान हटकेस, १ थान इलेक्ट्रिक हट ब्याग, १ के.जी. सातु, १ थान रामनामी र नगद रु.३५३ रुपैयाँ सहित सम्मान गरिएको संस्थाले जनाएको छ । ज्येष्ठ नागरिकप्रति माया, सम्मान र कृतज्ञताको भावना अभिवृद्धि गर्दै परिवार तथा समाजमा ज्येष्ठ नागरिकलाई सम्मान गर्ने संस्कारलाई अझ सुदृढ बनाउनु नै यस कार्यक्रमको मूल उद्देश्य रहेको छ ।