मेगा ड्रिम बहुउद्देश्यीय सहकारी संस्थाले ११औं बार्षिक साधारण सभा सम्पन्न गरेको छ।
सहकारी विभागका रजिस्ट्रार झलकराम अधिकारीको प्रमुख आतिथ्य तथा संस्थाका अध्यक्ष उमाकान्त न्यौपानेको सभापतित्वमा सभा सम्पन्न भएको हो । सभामा बागमती प्रदेश सरकारका सहकारी रजिस्ट्रार नारायण ज्ञवाली, जिल्ला सहकारी संघ, काठमाडौंका अध्यक्ष ज्ञानबहादुर तामाङ लगायतले अतिथिको रुपमा शुभकामना दिएका थिए ।
सभाले संस्थाका अध्यक्ष उमाकान्त न्यौपानेद्वारा प्रस्तुत वार्षिक प्रतिवेदन, प्रमुख कार्यकारी अधिकृत इन्द्रप्रसाद गेलालद्वारा प्रस्तुत आर्थिक वर्ष २०७८।७९ को नीति, अनुमानित बजेट तथा कार्ययोजना र लेखा समितिका संयोजक राजकुमार श्रेष्ठद्वारा प्रस्तुत लेखा प्रतिवेदन सर्वसम्वत रुपले पारित गरेको छ ।
आर्थिक वर्ष २०७७।७८ असार मसान्तसम्ममा संस्थाको सेयर पुँजी १३ करोड ८० लाख ३९ हजार पुगेको, १ अर्ब २१ करोड ८२ लाख रुपैयाँ र कर्जा लगानी १ अर्ब ५२ करोड ३८ लाख रुपैयाँ पुगेको छ । संस्थाको जगेडा कोष र अन्य कोषहरुमा ४ करोड ७३ लाख, कर्जा जोखिम कोषमा ६ करोड ९० लाख रुपैयाँ रहेको छ । । संस्थाले आर्थिक वर्ष २०७७।७८ मा १ अर्ब ७३ करोड १७ लाख रुपैयाँ कुल कारोबार गरेको साधारण सभामा जानकारी दियो ।
संस्थाले आगामी आर्थिक वर्षमा शेयर पुँजी १६ करोड २१ लाख, बचत संकलन १ अर्ब ४४ करोड, कर्जा लगानी १ अर्ब ६३ करोड, शेयर सदस्य १० हजार ८ सय ५० पुर्याउने लक्ष्य लिएको छ । त्यसैगरी मोबाईल बैकिङ प्रयोगकर्ता ४ हजार ६ सय ५०, एटिएम प्रयोगकर्ता १ हजार पुर्याउने लक्ष्य संस्थाको रहेको छ ।
अध्यक्षमा महाशंकर रेग्मी चयन
सभाले चार वर्षे कार्यकालका लागि महाशंकर रेग्मीको अध्यक्षतामा सात सदस्यीय सञ्चालक समिति र तीन सदस्यीय लेखा समिति निर्विरोध चयन गरेको छ ।
चार वर्षको लागि निर्वाचित सञ्चालक समितिको उपाध्यक्षमा बासुदेव भट्ट, सचिवमा इन्द्रप्रसाद गेलाल र कोषाध्यक्षमा रविनकुमार कार्की रहेका छन् । त्यसैगरी सदस्यहरुमा शेखर बस्नेत, राजकुमार श्रेष्ठ र सरदकुमार अधिकारी रहेका छन् ।
संस्थाको लेखा समितिको संयोजकमा उमाकान्त न्यौपाने चयन भएका छन् भने सदस्यहरुमा प्रकाश घिमिरे र शुभद्रा चौलागाई रहेका छन् ।
