भक्तपुरको दधिकोटमा रहेको दक्षिण बाराही महिला बचत तथा ऋण सहकारी संस्थाले २३औं वार्षिक साधारण सभा सम्पन्न गरेको छ । सभाले निर्जला ढुंगेल दाहालको अध्यक्षतामा नयाँ संचालक समिति समेत चयन गरेको छ ।
समितिको उपाध्यक्षमा शारदा थापा, सचिवमा पार्वती घिमिरे भण्डारी र कोषाध्यक्ष तारा खतिवडा सापकोटा चयन भएका छन् ।
त्यसैगरी सदस्यमा तुलसा पूरी, रीता केसी, शारदा खनाल, भगवती पोखरेल ढुंगेल र लक्ष्मी कुमारी कार्की चयन भएका हुन् ।
संस्थाको लेखा सुपरिवेक्षण समितिको संयोजकमा श्रृजना थापा खड्का तथा सदस्यमा चण्डिका थापा र मधुमाया श्रेष्ठ चयन भएका छन् ।
संस्थाकी अध्यक्ष निर्जला ढुंगेल दाहालको सभापतित्व रहेको सभाको सूर्य विनायक न.पा. वडा नं. ४ का अध्यक्ष उत्तम थापाले उद्धघाटन गरेका थिए ।
सभामा प्रतिवेदन प्रस्तुत गर्दै अध्यक्ष दाहालले २०५५ सालमा २५ जना सदस्यहरुको सानो रकमबाट सीमित कार्यक्षेत्र लिएर भएको संस्थाले हालसम्म आइपुग्दा आवद्ध महिला सदस्यको आर्थिक, सामाजिक र साँस्कृतिक परिवर्तनमा उल्लेख्य भूमिका निर्वाह गरेको बताइन् । संस्थाले ज्येष्ठ नागरिक, एकल, स्वनिर्भर महिला, बालबालिका र दीर्घ रोगीहरुको अवस्थालाई ध्यानमा राखी समयसमयमा स्वास्थ्य शिविर आयोजना गर्दै आएको उनले बताइन् ।
संस्थाकी सचिव पार्वती घिमिरेले आ. व. २०७७।७८ को वार्षिक प्रतिवेदन सभामा प्रस्तुत गरेकी थिइन् । त्यसैगरी संस्थाकी कोषाध्यक्ष तारा सापकोटाले आर्थिक प्रतिवेदन प्रस्तुत गर्दै गत असारमसान्तसम्म १०४६ सदस्यबाट १ करोड १६ लाख शेयरपुँजी संकलन गरेका बताइन् । त्यसैगरी संस्थाले ५ करोड ७५ लाख ९७ हजार बचत संकलन गरी ७ करोड ४४ लाख ऋण लगानी गरेको उनले जनाइन् ।
संस्थाले खरखाँचो, व्यवसायिक, कृषि तथा पशुपालन, स्वरोजगार, लघुउद्यमी, आवास तथा घर मर्मत जस्ता शिर्षकमा लगानी गर्दै आएको छ । संस्थाले समुदायमा छरिएर रहेको ससानो बचतलाई एकिकृत गरी कार्यक्षेत्र भित्रका सदस्यहरुको आर्थिक उपार्जनका लागि ऋण लगानी गर्दै आएको उनले बताइन् ।
सभाले विभिन्न ब्यक्तित्वहरुलाई सम्मान गरेको छ । सम्मानित हुनेहरूमा जेष्ठ सदस्य जीवन्त कुमारी घिमिरे, गंगा कुमारी भण्डारी, सरस्वती थापा, गंगा कुमारी खत्री, विष्णु महत रहेका छन् ।
त्यसैगरी मिनु श्रेष्ठ, लक्ष्मी सुवेदी कार्की , शान्ति ढुंगेल, सावित्री मिजार, तारा मिजारलाई एकल वा स्वनिर्भर सम्मान गरिएको छ । सभाले बाल बचत उत्सव अधिकारी, प्रिशियस ढुंगेल, नियमित बचतमा भक्त कुमारी क्षेत्री, एैछिक बचतमा सावित्रा थापा बुढाथोकीलाई सम्मान गरेको छ ।
त्यसैगरी खुत्रुके बचतमा सुलोचना ढुंगेल, आवधिक बचत प्रेम कुमारी नेपाल गिरीलाई सम्मान गरेको हो । शेयर पूँजी अन्तर्गत उर्मिला खड्का, असल ऋणी निरु थापा र सदस्य वृद्धिमा सहयोग गर्ने पूजा रोका क्षेत्री थापा, शारदा खनाललाई सम्मान गरेको हो ।
त्यसैगरी विशेष सम्मान रामप्यारी खत्री र संस्थाको गतिविधिमा सक्रिय सहभागी सदस्य सम्मान विमला घिमिरेलाई सम्मान गरिएको थियो । कार्यक्रम संस्थाकी सचिव पार्वती घिमिरे भण्डारीले संचालन गरेकी थिइन ।
