कुुटुम्ब बचत तथा ऋण सहकारी संस्थाको आयोजनामा बृहत् रक्तदान कार्यक्रम सम्पन्न भएको छ ।
संस्थाको दशौं स्थापना दिवसको उपलक्ष्यमा रक्तसञ्चार केन्द्रसँगको सहकार्यमा कोटश्वर चोकमा रक्तदान कार्यक्रम गरिएको हो । कार्यक्रमको सहयोगी संस्थाका रुपमा काठमाण्डौ बचत तथा ऋण सहकारी संघ(कास्कुन) र नेपाल ब्लड डोनर्स एसोसिएसन(ब्लोदान) पूर्वी भेगिय क्षेत्र रहेका थिए ।
कार्यक्रममा ४१ पुरुष र १० महिला गरी ५१ जनाले रक्तदान गरेका छन्। रक्तदाताहरुलाई संस्थाका अध्यक्ष सुदिपकुमार खनालले प्रशंसापत्र प्रदान गर्नुका साथै धन्यवादज्ञापन गरेका थिए ।
संस्थाले हरेक वर्ष स्थापना दिवसको अवसर पारेर “रक्तदान जीवनदान” भन्ने नारालाई आत्मसात गर्दै यस्तो कार्यक्रम गर्दै आएको व्यवस्थापक खेलनाथ सिग्देल जानकारी दिए ।
