सर्लाहीका बिभिन्न बामपन्थी घटकमा रहेको यूवाहरुको एक भेलाले नेपाल कम्युनिष्ट पार्टीको सर्लाही जिल्ला तदर्थ समिति गठन गरेको छ ।
क.हेमन्त साहको अध्यक्षतामा गठित समितिमा उपाध्यक्ष क.रामदयाल ठाकुर, सचिब क.सञ्जय भूजेल र सदस्यहरुमा कमरेडहरु अकेला पासमान,ललित लामा, रमोद साह,परबेज आलम अन्सारी, सुश्री मनिषा चौधरी र नजाम सेख रहेका छन् ।
भेलामा नेपाल कम्युनिष्ट पार्टीका केन्द्रिय सह–संयोजक तथा प्रदेश नं २ का इञ्चार्ज लोकनारायण सुबेदी र पार्टीका केन्द्रिय सचिबालय सदस्य तथा प्रदेश नं. २ का अध्यक्ष रामदुलार महतो तथा पार्टीका जिल्ला सल्लाहाकार प्रकाश कार्कीको पनि उपस्थिति रहेको थियो । त्यस अबसरमा सह–संयोजक सुबेदीले भेलालाई सम्बोधन गर्दै कमरेड पुष्पलालले देश र जनताका लागि कम्युनिष्ट आन्दोलन मार्फत उठाएका ३ मूख्य समस्या र तिनको उचित निराकरण बिना देश र जनताको मुक्ति र सम्बृध्दी नहुने कुरा प्रष्ट पर्दै जनता सचेत, एकताबध्द र संघर्षशील हुनुपर्ने आजको राष्ट्रिय आवश्यकता हो भनेका थिए ।
कार्यक्रममा बोल्दै नेता रामदुलार महतोले कम्युनिष्ट आन्दोलनमा आएका विकृति र विसंगतिका बारेमा प्रष्ट पार्दै सहीबाटो रोज्न र एमसिसीका बिरुध्द खडा हुन यूवाहरुलाई आह्वान गरेका थिए ।
भेलामा उपस्थित यूवा श्रोताहरुले विभिन्न सामयिक र महत्वपूर्ण प्रश्न र जिज्ञाषाहरु राखेर अझ प्रष्ट हुन चाहेका थिए ।
