काठमाण्डाै । एन आइ सी एसिया बैंकले एकै दिन ४४ वटा शाखा समायाेजन गरेको छ । बैंकले सार्वजनिक सूचना जारी गर्दै बैशाख ३ गतेबाट उपत्यका भित्रका ३२ र बाहिरका १२ शाखा नजिकको शाखामा मर्ज गरेको जनाएकाे हो । 

काठमाण्डाैको कमलादी शाखामा गाभिनेमा नागपोखरी, पुतलीसडक, दरबारमार्ग, ज्ञानेश्वर र बागबजार शाखा रहेका छन् । त्यसैगरी बोहराटार, माछापोखरी, ढुंगेधारा–नर्सरी चोक शाखा बालाजु शाखामा गाभिएका छन् । न्युरोड विशालबजार शाखामा खिचापोखरी, भोटाहिटी र किलागल शाखा गाभिएका छन् ।

त्यसैगरी, बौद्ध शाखामा तिनचुली र चाबहिल, कोटेश्वरमा नरेफाँट शाखा, लाजिम्पाटमा बालुवाटा शाखामा गाभिएका छन् । अनामनगर, शंखमुल र मध्य बानेश्वर शाखा नयाँ बानेश्वर शाखामा गाभिएका छन् । 

त्यस्तै, कलंकी शाखामा गाभिनेमा खसीबजार शाखा, सुकेधारा शाखामा गाभिनेमा कपन, सामाखुसी शाखामा गाभिनेमा गोंगबु, ठमेल शाखामा गाभिनेमा सोह्रखुट्टे शाखा रहेका छन् । त्रिपुरेश्वर शाखामा गाभिनेमा टेकु, बत्तिसपुतली शाखामा गाभिनेमा सिनामंगल, मित्रपार्क र कालोपुल रहेका छन् । काठमाण्डाैं भित्र मात्रै बैंकका २६ शाखा नजिकको शाखा गाभिएका छन् ।

त्यसैगरी ललितपुरको जावलाखेल शाखामा गाभिनेमा लगनखेल र मंगलबजार, सातदोबाटो शाखामा गाभिनेमा सानेपा र ग्वार्को, भैंसेपाटी शाखामा गाभिनेमा खोकना शाखाहरू रहेका छन् । 

त्यस्तै, पोखराको लेखनाथ शाखामा गाभिनेमा पावरहाउस चोक र बुढीबजार शाखा, न्युरोड–पोखरा शाखामा गाभिनेमा महेन्द्रपुल र बगर शाखा, लेकसाइड शाखामा गाभिनेमा बिरौटा शाखा रहेका छन् । चितवनको हाकिम चोक शाखामा बसेनी शाखा, विराटनगरको मुख्य शाखामा मेनरोड र हाटखोला शाखा, रोडशेष चोक शाखामा रानी मिल्स शाखा, वीरगञ्जको आदर्शनगर शाखामा लिङ्क रोड र पावरहाउस चोक शाखा रहेका छन् । 

एन आइ सी एसिया बैंक कुनैबेला आक्रामक रुपमा शाखा विस्तार गर्ने बैंकका रुपमा परिचित रहेकाे थियाे।