नेपालपत्र संवाददाता
नेपाल राष्ट्र बैंकले बैंक तथा वित्तीय संस्थामा दुई दिने सप्ताहन्त बिदा लागू गरेको छ। वि.सं. २०८२ चैत २३ गतेदेखि प्रत्येक शनिबार र आइतबार सार्वजनिक बिदा हुनेछ। यो व्यवस्था “क”, “ख”, “ग” र “घ” वर्गका बैंक, पूर्वाधार विकास बैंक तथा नेपाल क्लियरिङ हाउस लिमिटेडमा समेत लागू हुनेछ।
सोमबारदेखि शुक्रबारसम्म कार्यालय समय बिहान ९ बजेदेखि अपरान्ह ५ बजेसम्म रहनेछ। जाडो समयमा भने कात्तिक १६ देखि माघ १५ सम्म कार्यालय समय अपरान्ह ४ बजेसम्म सीमित गरिनेछ। यो व्यवस्था नेपाल राष्ट्र बैंक ऐन, २०५८ को दफा ७९ अनुसार लागू गरिएको हो।
