नेपाल आयल निगमले मध्यपूर्व क्षेत्रमा भइरहेको युद्धका कारण पेट्रोलियल पदार्थ  तथा एल.पि.ग्यासको आपूर्तिमा भएको असहजताको कारण भोलिदेखी बजारमा  आधा सिलिन्डर मात्रै ग्यास पठाउने निर्णय गरेको छ ।

भोलीबाट निगमले उपभोक्तालाई ७.१ केजी तौल भएको आधा सिलिन्डर ग्यास उपलब्ध गराउने  भएको हो । आधा सिलिन्डर ग्यासको मूल्य पनि साविकको भन्दा आधा नै तोकिएको निगमले जनाएको छ ।  आधा सिलिन्डर ग्यास बाँड्दा धेरैभन्दा धेरै उपभोक्ताको पहुँचमा ग्यास पुग्ने  भएकाले  यो नीति लिइएको निगमले जनाएको छ । 

यसका साथै आधा सिलिन्डर मात्रै वितरण गर्दा अनावश्यक रूपमा ग्यास थुपारेर राख्ने प्रवृत्ति पनि घट्ने निगमको दाबी छ । हालको परिस्थितिलाई दृष्टिगत गरी एल.पि. ग्यासको आपूर्ति तथा वितरण प्रणालीलाई व्यवस्थित बनाई आम उपभोक्ताको माग बमोजिम ग्यास उपलब्ध गराउने निगमले जनाएको छ ।