विश्वप्रसिद्ध प्रविधि कम्पनी शाओमीले ग्राहक सेवा विस्तार गर्दै हेटौँडा, दमौली र बिर्तामोडमा तीन नयाँ आधिकारिक सर्भिस सेन्टर सञ्चालनमा ल्याएको छ । यी सेवा केन्द्रले शाओमी प्रयोगकर्तालाई छिटो, भरपर्दो र सहज सेवा उपलब्ध गराउने कम्पनीले जनाएको छ ।

नयाँ सर्भिस सेन्टरमार्फत शाओमीका स्मार्टफोन, स्मार्टवाच, फिटनेस ब्यान्ड, इयरफोन तथा हेडफोनको मर्मत र प्राविधिक सहयोग प्रदान गरिनेछ । सबै केन्द्रमा जेनुइन स्पेयर पार्ट्स र आधिकारिक मर्मत प्रक्रिया अपनाइने भएकाले ग्राहकले गुणस्तरीय र सुरक्षित सेवा पाउनेछन् । यी सर्भिस सेन्टरहरू रमेश कर्पअन्तर्गत टेलिडाइरेक्ट प्रा. लि.ले सञ्चालन गर्नेछ ।

उद्घाटनका अवसरमा एक महिनासम्म विशेष सुविधा उपलब्ध गराइने कम्पनीले जनाएको छ । उक्त अवधिमा सबै उपकरणको निःशुल्क सर्भिसिङ र सफ्टवेयर अपग्रेड, वारेन्टीबाहिरका मर्मत तथा स्पेयर पार्ट्समा २५ प्रतिशतसम्म छुट र सर्भिस शुल्क नलाग्ने व्यवस्था गरिएको छ । शाओमी नेपालले दक्ष प्राविधिकमार्फत आधिकारिक मापदण्डअनुसार सेवा प्रदान गरिने बताएको छ ।