नेपालपत्र संवाददाता
नेपाल राष्ट्र बैंक मौद्रिक व्यवस्थापन विभागले आज (कात्तिक १२ गते) एक सूचना जारी गर्दै ४० अर्ब रुपैया निक्षेप संकलन बोलकबोल आव्हान गरेको छ ।
वित्तीय बजारमा अधिक तरलता भएपछि त्यसलाई व्यवस्थापन गर्न १७५ दिन अवधिको वित्तीय उपकरण राष्ट्र बैंकले जारी गरेको हो । राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक तथा वित्तीय संस्था मात्र सहभागी हुन पाउने छन् । निक्षेप संकलनको बोलकबोलमा निक्षेपवापत् जम्मा गर्न चाहेको रकम र ब्याजदर उल्लेख गर्नु पर्नेछ ।
बोलकबोलबाट ब्याजदर निर्धारण हुने उक्त निक्षेपको सावा तथा ब्याज २०८३ बैशाख ९ गते भुक्तानी हुनेछ ।
