नेपालपत्र संवाददाता
नेपाल राष्ट्र बैंकले बैंक तथा वित्तीय संस्थाले गर्ने सामाजिक उत्तरदायित्व खर्च, सिएसआर, बारे नयाँ व्यवस्था गरेको छ। अब बैंकहरूले आफ्नो सिएसआर अन्तर्गतकाे रकम गत भदौ २३ र २४ गतेको जेनजी आन्दोलनका क्रममा घाइते र सहिद परिवारका सहयोगमा प्रयोग गर्न पाउने भएका छन्।
राष्ट्र बैंकले यसका लागि ‘बैंक तथा वित्तीय संस्थाको संस्थागत सामाजिक उत्तरदायित्वसम्बन्धी मार्गदर्शन, २०८१ (दोस्रो संशोधन)’ जारी गर्दै यस्ताे व्यवस्था गरेकाे हाे ।
यस मार्गदर्शन अनुसार —
-
बैंक तथा वित्तीय संस्थाले वार्षिक खुद नाफाको कम्तीमा १ प्रतिशत रकम सिएसआरमा खर्च गर्नैपर्ने बाध्यकारी व्यवस्था कायम छ।
-
अब यो रकम जेनजी आन्दोलनका क्रममा घाइते भएका गरिब तथा विपन्न वर्गका नागरिकको उपचारमा प्रयोग गर्न सकिनेछ। तर त्यस्तो सहयोग सरकारी अस्पतालमार्फत मात्र र दोहोरो नपर्ने गरी गर्नुपर्नेछ।
-
त्यसैगरी, सहिदका परिवारका लागि आय आर्जन गर्न सहयोग पुग्ने गरी सीपमूलक तालिम प्रदान गर्ने संस्थालाई सहयोग रकम दिन सकिने व्यवस्था पनि गरिएको छ।
