नेपालपत्र संवाददाता
अन्तर्राष्ट्रिय बजारमा सुनचाँदीको मूल्य बढेसँगै यसको प्रभाव नेपाली बजारमा पनि परेको छ। नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख १२ हजार रुपैयाँ कायम भएको छ। गत शुक्रबारको तुलनामा आज सुन तोलामा १ हजार ६०० ले बढेको हो।
चाँदीको मूल्य पनि आज बढेर प्रति तोला २ हजार ५०० रुपैयाँ पुगेको छ, जुन गत शुक्रबारको तुलनामा तोलामा १० रुपैयाँ वृद्धि हो। यसअघि गत बुधबार सुन २ लाख ७ हजार ९०० रुपैयाँ र चाँदी २ हजार ४८० रुपैयाँमा कारोबार भएको थियो।
अन्तर्राष्ट्रिय बजारमा आज सुनको मूल्य प्रतिऔंस ३ हजार ५८६ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
