बैंक तथा वित्तीय संस्था परिसंघ नेपाल (सिबिफिन)ले आर्थिक वर्ष २०८२/८३ को मौद्रिक नीतिलाई स्वागत गर्दै यसले दिगो, दर्बिलो र समावेशी अर्थतन्त्र निर्माणका लागि स्पष्ट दिशा देखाएको जनाएको छ।

सिबिफिनका अनुसार सन्तुलित र समयसापेक्ष नीति ल्याइएकाले सुषुप्त अर्थतन्त्रमा पुनः गति ल्याउन र निजी क्षेत्रको मनोबल उठाउन मद्दत गर्नेछ। कर्जा विस्तार सहज बनाउने, वित्तीय स्थायित्वमा टेवा पुर्‍याउने, खराब कर्जाको व्यवस्थापन, आवासीय तथा शेयर धितो कर्जाको सीमा वृद्धि, लघु तथा मझौला उद्यममा कर्जा सहजीकरण र ऋणीसँग राष्ट्र बैंकजस्ता कार्यक्रमहरू सकारात्मक पहल हुन्।

परिसंघले लगानी, रोजगारी, नवप्रवर्तन र हरित अर्थतन्त्रमा केन्द्रित नीतिलाई दीर्घकालीन परिवर्तनको आधार मानेको छ। उसले आफ्ना केही सुझाव नसमेटिए पनि भविष्यमा समावेश हुने विश्वास राख्दै, नीति कार्यान्वयनमा नजिकबाट सहकार्य गर्ने प्रतिबद्धता व्यक्त गरेको छ।