नेपालपत्र संवाददाता
काठमाडौं। क्यान्सर रोगबाट आक्रान्त वरिष्ठ साहित्यकार एवम् पत्रकार विजय चालिसेको हिजो ७४ वर्षको उमेरमा देहाबसान भएको छ ।
उहाँको अत्तरखेलस्थित नेपाल मेडिकल कलेजमा हिजो बिहान मृत्यु भएको हो । उनको गोकर्णेश्वर घाटमा आजै दाहसंस्कार गरिने पारिवारिक स्रोतले जनाएको छ ।
निधन हुनु भएका चालिसेका दुई छोरा र एक छोरी छन् । गोरखापत्र संस्थानको अध्यक्ष र गोरखापत्र दैनिकको प्रधानसम्पादकको जिम्मेवारी समेत सम्हालिसक्नु भएका चालिसे प्रेस चौतारी नेपालका संस्थापक अध्यक्ष पनि रहनु भएको ।
बरिष्ठ साहित्यकार चालिसेका कथा, उपन्यास, नियात्रा, पत्रकारिता, बालसाहित्यका ५० पुस्तकहरु प्रकाशित भएका छन् । उहाकाे जन्म २००८ साल असार २२ गते भएकाे थियाे ।
