महालक्ष्मी विकास बैंकले आफ्नो ३१औं वार्षिकोत्सवको अवसरमा देशभरका ३१ जना महिला उद्यमीलाई विभिन्न शाखा कार्यालयमार्फत सम्मान गरेको छ। बैंकले आर्थिक समावेशिता, उद्यमशीलता प्रवर्द्धन र लैंगिक समानतामा टेवा पुर्‍याउने उद्देश्यले कार्यक्रम आयोजना गरेको हो।

वार्षिकोत्सवको सन्दर्भमा बैंकले जेष्ठ ६ गते १० शाखा र केन्द्रीय कार्यालयमा रक्तदान कार्यक्रमसमेत सञ्चालन गरेको थियो, जसबाट ३२० पिन्ट रगत संकलन भएको छ।

यसैबीच, जेष्ठ ७ गते बैंकका कर्मचारीहरू स्थानीय भेषभूषामा सजिएर कार्यालय पुगेका थिए भने केन्द्रीय कार्यालयमा निःशुल्क स्वास्थ्य तथा आँखा शिविर र विभिन्न शाखाले वित्तीय साक्षरतासहित प्रभातफेरी कार्यक्रमसमेत सम्पन्न भयो। 

त्यसैगरी, बैंकले जेठ २१–२४ सम्म २४ टिमको सहभागितामा “महालक्ष्मी कर्पोरेट क्रिकेट लिग–२०२५” आयोजना गर्ने तयारी गरेको छ।