नेपालपत्र संवाददाता
बैंक तथा वित्तीय संस्थामा अधिक तरलता भएपछि नेपाल राष्ट्र बैंकले आइतबार ४० अर्ब रूपैया बजारबाट खिच्दै छ । निक्षेप संकलन उपकरणको प्रयोग गरेर राष्ट्र बैंकले तरलता व्यवस्थापन गर्न लागेको हो ।
निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक
तथा वित्तीय संस्थाले दिनको ३ बजेसम्म भाग लिन सक्नेछन् । उक्त बोलकबोलमार्फत जम्मा गरिने निक्षेप रकमको साँवा तथा ब्याज भुक्तानी चैत्र २४ गते हुने राष्ट्र बैंकले सूचनामा जनाएको छ ।
