नेपालपत्र संवाददाता
नेपाल राष्ट्र बैंकले आज ३५ अर्ब रुपैया तरलता प्रशोचन गर्ने भएको छ । राष्ट्र बैंकले २० दिने निक्षेप उपकरण जारी गर्दै बैंक तथा वित्तीय संस्थाहरुलाई ३५ अर्ब रुपैया निक्षेप राख्न आउन आव्हान गरेको हो ।
वित्तीय बजारमा तरलता अधिक रहेको अवस्थामा राष्ट्र बैंकले विभिन्न वित्तीय उपकरणको प्रयोगमार्फत मुद्राप्रदायमा संकुचन ल्याउने गर्दछ ।
घटीमा १० करोड रुपैयाँदेखि अधिकतम रकमसम्म बोल गर्न सकिने रकममा बोलकबोलमार्फत नै ब्याजदर कायम हुने छ । निक्षेप रकमको साँवा तथा ब्याज २०८१ फागुन १३ गते भुक्तानी हुने छ ।
यस्तो निक्षेप उपकरणकाे रसिद अन्य बैंक तथा वित्तीय संस्थामा धितोको रुपमा राख्न पाउने व्यवस्था रहेको छ ।
