नेपालपत्र संवाददाता
अधिक तरलताको व्यवस्थापन गर्न नेपाल राष्ट्र बैंकले बजारबाट ४० अर्ब रुपियाँ तरलता प्रशोचन गर्ने भएको छ । केही समय यता बैंक तथा वित्तीय संस्थाहरुमा लगानी योग्य पुँजी वृद्धि भएर गएको छ ।
राष्ट्र बैंकको पछिल्लो तथ्यांक अनुसार बैंक तथा वित्तीय संस्थाहरुको निक्षेप ६७ खर्ब ३ अर्ब नाघ्दा कर्जा लगानी ५४ खर्ब १५ अर्ब पुगेको छ । बैंक तथा वित्तीय संस्थाहरुसँग लगानी गर्न योग्य पुँजी ७ खर्बमाथिको रहेको छ । तर, बजारमा आएको आर्थिक मन्दीले गर्दा व्यवसायीहरु ऋण लिएर नयाँ उद्यम गर्न इच्छुक देखिदैँनन्।
