नेपालपत्र संवाददाता
महालक्ष्मी विकास बैंकले सेयरधनीलाई ७ प्रतिशत लाभांश दिने प्रस्ताव गरेको छ । बैंकको सञ्चालक समितिको आज बसेको ६१० औं बैंठकले आर्थिक बर्ष २०८०/८१ को मुनाफाबाट शेयरधनीलाई उक्त लाभांश दिने भएको हो ।
बैंकको गत आर्थिक बर्षको असार मसान्तमा कायम रहेको चुक्ता पुँजी ४ अर्ब १७ करोड १३ लाखको ७ प्रतिशत हुन आउने २९ करोड १९ लाख ९२ हजार लाभांश वितरणको लागिरकम छुट्याएको जनाएको छ । जसमा बोनस ३ प्रतिशत र कर प्रयोजन सहित ४ प्रतिशत नगद लाभांश दिने प्रस्ताव गरेको छ ।
यो प्रस्ताव नेपाल राष्ट्र बैंकले स्वीकृत गरेर कम्पनीको आगामी साधारणसभाले पारित गरेपछि सेयरधनीले पाउनेछन् ।
