नेपाल मर्चेन्ट बैंकर एसोसिएसनले १५ औं वार्षिक साधारण सभा सम्पन्न गरेको छ । उक्त सभाले रामेन्द्र रायमाझीको अध्यक्षतामा नयाँ सञ्चालक समिति चयन गरेको जनाएको छ ।
एसोसिएसनको उपाध्यक्षमा मनिस नारायाण जोशी,महासचिवमा निर्मल भट्टराई र कोषाध्यक्षमा शिवान्त बहादुर पाण्डे चयन भएका छन् । त्यसैगरी सदस्यहरुमा सन्दीप काकी,लेखनाथ पोखरेल र पुष्पा शर्मा चयन भएका छन् । विभिन्न मर्चेन्ट बैंकिङका प्रतिनिधिहरू सामेल रहेको उक्त नयाँ कार्यसमिति सदस्यहरु नेपालमा मर्चेन्ट बैंकिङको भूमिकालाई प्रवर्धन गर्न प्रतिबद्ध रहेको बताएका छन् ।
उक्त समितिको मुख्य ध्यान पूँजी बजारको पहुँचमा सुधार, दिगो वित्तीय अभ्यासलाई प्रोत्साहन तथा नियामक निकायहरूसँग सम्बन्ध मजबुत पार्नेमा केन्द्रित रहनेछ ।उक्त सभाको निर्वाचन प्रक्रिया सकारात्मक र सहकार्यपूर्ण वातावरणमा सम्पन्न भएको थियो जसले संघको एकता र भविष्यप्रतिको साझा दृष्टिकोणलाई झल्काएको छ । नव निर्वाचित समितिले वित्तीय क्षेत्रका सरोकारवालाहरू र नियामक निकायहरूसँग नेपाल मर्चेन्ट बैंकर एसोसिएसनको सहकार्यलाई अझ बलियो बनाउन लक्ष्य राखेको छ ।
