बांग्लादेशकी प्रधानमन्त्रीले देश छाडेर भारतमा शरण लिएकी छिन् । उनले प्रधानमन्त्री पदबाट राजिनामा दिएर र देश छोडि गएको बीबीसी बांग्लाले जनाएको छ ।
बांग्लादेश सेना प्रमुख जनरल वका उज जमानले बहिनी शेख रेहानाको साथ शेख़ हसीना भारत त्रिपुरा राज्यको अगरतलातर्फ हेलीकप्टरबाट गएको जनाएका छन् ।
छात्र नेताहरूको ‘ढाकासम्म लङ मार्च’ को आह्वानसँगै हज़ार ढाकातर्फ बढ्ने क्रममा छन् । राजधानी ढाका बाहेक अन्य शहरहरूमा पनि प्रदर्शनकारीले सडकमा मार्च गरिरहेका छन् । सडकमा सेना तैनाथ भएपनि प्रदर्शनकारीहरूलाइ रोक लगाएको छैन ।
बांग्लादेशमा अब एक अन्तरिम सरकार गठनको तैयारी भइरहेको सेना प्रमुखले जनाएका छन् । बांग्लादेशको राजधानी ढाकामा हजारौं प्रदर्शनकारीले शेख हसीनाको सरकारी निवासमा हमला गर्न गएको सञ्चारमाध्यमले जनाएका छन् ।
केहि समय अघिदेखि बांग्लादेशमा नयाँ आरक्षण नीतिको विरोधमा प्रदर्शनहरू हुँदै आएका थिए । तिनमा २०० भन्दा बढी आन्दोलनकारीले ज्यान गुमाइसकेका छन् ।
