नेपालपत्र संवाददाता
कक्षा १२ को नतिजा सार्वजनिक भएको छ । राष्ट्रिय परीक्षा बोर्डले शुक्रबार बिहान सार्वजनिक गरेको नतिजा अनुसार नियमिततर्फ ५२ प्रतिशत विद्यार्थी उत्तिर्ण भएका छन् ।
गत वैशाख १४ गतेबाट सञ्चालित परीक्षामा पाँच हजार ५४२ विद्यालयका नियमित तर्फ ३ लाख ९० हजार ८६८ विद्यार्थी सहभागी थिए ।
कक्षा १२ को नतिजा लेटर ग्रेडिङ निर्देशिका २०७८ अनुसार नतिजा प्रकाशन भएको राष्ट्रिय परिक्षा बोर्डले जनाएको छ । जस अनुसार ९ हजार ९९१ जनाले ए प्लस ग्रेड, ४६ हजार ८९३ जनाले ए ग्रेड र ७८ हजार ७५ जनाले बी प्लस ग्रेड ल्याएका छन् ।
त्यसैगरी ६१ हजार ३६ जना परीक्षार्थीले बी ग्रेड, ८ हजार २४० ले सी ग्रेड र १२ जनाले डी ग्रेड ल्याएका छन् । नन ग्रेडेड परीक्षार्थीको संख्या १ लाख ८७ हजार २१ रहेको छ । नियमित र ग्रेड वृद्धि समेत गरी ४ लाख ९१ हजार ६१ विद्यार्थी परीक्षामा सामेल रहेकाे थिए ।
