नेपाल स्टक एक्स्चेञ्जमा हालसम्मकै उच्च कारोबार भएको छ। नेपाली धितोपत्र बजार काराेबारमा बुधबार नयाँ रेकर्ड कायम भएको हाे ।

नेप्सेमा २१ अर्ब ९१ करोड १५ लाख रुपैयाँ बरारको ५ करोड ९ लाख ६७ हजार कित्ता शेयर खरिदबिक्री भएको छ। कुल ३३२ स्टकको २ लाख ३८ करोड २७२ पटकको कारोबार भएको हो । यस अघि २०७८ साउन ३१ गते नेप्सेमा २१ अर्ब ६४ करोडका शेयर खरिदबिक्री भएको थियो। 

नेप्से परिसूचक ६४.२५ अंक बढेर २७६०.९० विन्दुमा पुगेको छ सेन्सेटिभ इण्डेक्स १०।६६ अंक बढेको छ । बुधबार १० स्टकको शेयरमा सकारात्मक सर्किट लागेकाे थियाे । 

हिमालयन रि इन्स्योरेन्स कारोबार रकमका आधारमा शीर्ष स्थानमा रह्यो । सो कम्पनीको ८४ करोड ४९ लाख रुपैयाँ बराबरको शेयर खरिदबिक्री भएको छ। त्यस्तै, यस दिन माउन्टेन इनर्जीको ४१ करोडभन्दा बढीको शेयर किनबेच भएको छ भने शिवम् सिमेन्ट्सको ४० करोडभन्दा बढीको शेयर कारोबार भएको छ।