नेपालपत्र संवाददाता
लण्डनबाट सिंगापुरतर्फ उडिरहेको विमान थाइल्याण्ड नजिककाे आकाशमा भीषण आँधीबेहरीमा फस्दा एक जनाको मृत्यु भएको छ भने दर्जनाैं घाइते भएका छन् ।
सिंगापुर एयरलाइन्सकाे उडान नं एस क्यू ३२१ भीषण आँधीबेहरीसहितकाे वर्षा भइरहेको क्षेत्रमा प्रवेश गरेको थियो । त्यसले गर्दा विमानमा भएको टर्बुलेन्सका कारण एक जनाको मृत्य भएकाे र ३० जना यात्रु घाइते भएको एयरलाइन्सले जनाएको छ।
सिंगापुरको स्थानीय समय अनुसार बेलुकी ६ बजेर १० मिनटमा चांगी विमानस्थल अवतरण हुनुपर्ने सो विमान साेही कारणले ३ बजेर ४५ मिनेटमा थाइल्याण्डको सुवर्णभूमि विमानस्थलमा आकस्मिक अवतरण गरिएको थियाे ।
सिंगापुर एयरलाइन्सद्वारा सञ्चालित बोइङ ७७७ सो विमान सोमबार राति १० बजेपछि बेलायतबाट प्रस्थान गरेको थियो । विमान २११ यात्रु र चालकदलका १८ जना रहेका अन्तर्राष्ट्रिय सञ्चारमाध्यमले जनाएका छन् ।
