नेपालपत्र संवाददाता
प्रधानमन्त्री पुष्पकमल दाहाल ‘प्रचण्ड’ले विश्वासको मत पाएका छन्। नेपाली काँग्रेसका सांसदहरूको नाराबाजीका बीच आज प्रतिनिधि सभाको बैठकमा प्रधानमन्त्रीले चौथोपटक विश्वासको मत लिएका हुन् । उनको पक्षमा सत्तारूढ घटकहरूका १५७ जना सांसदले मत दिएका छन् ।
प्रतिपक्षी दल नेपाली कांग्रेस, राप्रपा, लोसपा, जसपा नेपाल र लगायतले मतदानको प्रकियामा भाग लिएनन् भने नेमकिपा तटस्थ रहेकाे थियाे ।
सहकारी ठगी प्रकरणमा मुछिएको भन्दै गृहमन्त्री रवि लामिछानेमाथि छानविन गर्न संसदीय समितिको माग राख्दै कांग्रेसले निरन्तर संसदमा बेल घेराउ तथा अवरोध गर्दै आइरहेको छ ।।
