नेपाल बीमा प्राधिकरणको ५६औँ वार्षिकोत्सवका अवसरमा काठमाडौंमा प्रभातफेरी कार्यक्रम सम्पन्न भएको छ । बीमा सम्बन्धी जानकारीमूलक सन्देशहरू अङ्कित ब्यानरसहितको र्याली सुन्धारा, एनएसी, रत्नपार्क हुँदै भृकृटीमण्डपमा पुगेर सभा गरिएको थियो ।
प्रभातफेरी प्राधिकरणका अध्यक्ष सूर्यप्रसाद सिलवाल, कार्यकारी निर्देशक राजुरमण पौडेल, निर्देशक सुशील देव सुवेदी, निर्देशक पूजन ढुङ्गेल, दिनेश कुमार लाल लगायत कर्मचारीहरू सहभागिता रहेको थियो ।
वार्षिकोत्सवको अवसरमा प्राधिकरणको कार्यालयमा आज आयोजित एक कार्यक्रमबीच २० वर्षभन्दा बढी सेवा गरेका कर्मचारीद्वय हरिबहादुर सुवेदी र हरेराम श्रेष्ठलाई सम्मान गरेको छ । त्यसैगरी निबन्ध प्रतियोगितामा बागमती प्रदेशकी विजेता गीता कुमारी शाहलाई पुरस्कृत भएकी छिन् । वार्षिकोत्सवका अवसरमा आयोजित फुटसल प्रतियोगिताका विजयी टोलीलाई पनि मेडल र ट्रफी प्रदान गरिएको थियो ।
